LEGAZPI CITY—Nakaeksperyensya nin minimal na ashfall an banwaan kan Bacacay, Albay huli sa padagos na aktibidad kan bulkang Mayon.
Segun ki Bacacay Municipal Disaster Risk Reduction and Management Office Head Bryan Berdin, sa intrevista kan Bombo Radyo Legazpi, mantang dae man ninda ini namatean na maray an naeksperyensyahan ini sa upper part kan saindang banwaan partikularmente sa sakop kan 6-kilometer radius Permanent Danger Zone.
Dugang niya na wara man sinda nin naresibeng report na mala-asupreng parong o anumang danyos sa mga pananom kawsa kan aktibidades kan bulkan.
Abiso man kan opisyal na en kaso makaeksperyensya nin ashfall an magdumog nin panyo na pwedesir ibugtak sa ngimot asin dungo nganing maibitaran an inflammation o malikayan an pag-inhale sa mga abo.
Mientrastanto, mawot man ni Berdin an kooperasyon sainda kan namamanwaan asin magin preparado anumang oras en kaso man na maghalangkaw pa an alert level kan nasabing bulkan.
