LEGAZPI CITY — Naarestar na an barangay tanod na suspek sa pananaksak kan sarong minero sa Barangay Syndicate, Aroroy, Masbate.
Enot kaini, nag-iinuman an biktima na si Ronnie Manlapas, 45-anyos asin an suspek na si Antonio Sandig Jr. kan magkaigwa nin mainit na argumento an mga ini.
An dae pagkakasinabutan sa pagultangan kaini an nagbusol ki Sandig na saksakon an biktima na tinamaan sa daghan na nagresulta sa saiyang tulos na kagadanan.
Narekober man sa pinangyarihan kan insidente an 15 inches na patarom na ginamit sa krimen.
Sa presente, kapot na kan Aroroy Municipal Police si Sandig para sa magkakanigong disposisyon.
