LEGAZPI CITY — Ipighayag kan presidente kan Rapu-Rapu Minerals and Processing Inc. na 27% sundo 28% pa sana an saindang nakukumpleto sa mine rehabilitation activities.
Segun ki Eng. Melvin Alonzo, puon kan 2015, isinairarom na ninda sa pag-ataman asin maintenance an kumpanya mantang pighahalat na ipaluwas an Final Mine Rehabilitation and Decommissioning Plan (FMRDP) funds.
Sa ngonian, puro small final mine rehab activities an saindang piggigibo siring na sana kan pag-dismantle kan process plants, maintenance sa plantation, nagkondusir nin test bed ngane na mahiling kun ano an magayong puon nin kahoy o masetas an magayong magtalubo sa lugar asin an paghale kan mga harong.
Nasa 27%-28% man suboot an saindang nagibo antes na punduhon para sa bidding kan limang kumpanya na masagibo kan trabaho na ngonian ipigsasairarom na sa evaluation.
Segun pa ki Alonzo, pigwo-work out man ninda an rehabilitation plans na saro sa rekisitos ngane na maipaluwas an pondo siring na sana kan bulan-bulan na miting para sa updates, consultations asin mga pagbabago.
