LEGAZPI CITY — Sa paglulunsar kan MilLENIals PH Albay, inengganyar ni Vice President Leni Robredo an gabos na mga joven na magkasararo para sa pagbabago sa paagi naman kan social media.
An paglulunsar kan nasabing programa kan bise presidente an pang-anom na apwera sa Cebu, Baguio, Cagayan de Oro, National Capital Region, asin Naga.
Sa saiyang mensahe, sinabi ni Robredo na nagpuon an proyekto kan pirmi siyang nakakaresibe nin imbitasyon na haros parehas an rason.
Kaya suboot naggu-grupo huli sa mawot na na baguhon an pag-oolay.
Kadaklan suboot sa mga nareresibe nindang reklamo iyo an kapagalan na sa kada bukas kan social media kan lambang joven, puro negatibo an mga nagbubutwa.
Puro suboot reklamo an mga ini alagad warang action point kun kaya pigbilog an programa ngane na dae sana simpleng mapadamay an mga joven sa mandatang orolay kundi maggibo na nin lakdang.
Dugang kan bise presidente, bako man sinda an matukdo kun ano an dapat gibuhon huli sa mas maray suboot na hale sa mga joven an solusyon ngane na paugmahon liwat an social media asin mahali an kultura na iriwal sanang iriwal.
Dae na suboot iasa pa sa mga siring nindang politiko huli sa nagtutubod sinda na mas creative, innovative, asin mas mahewas na maray an horizon kan mga joven ngane mag-isip nin mga bagay kun pano baguhon an course direction kan Pilipinas.
Segun pa ki Robredo posible man na ilunsar sa Albay an programang ‘Istorya ng Pag-asa’, an sarong paghahanp nin mga ekstraordinaryong istorya kan mga ordinaryong namamanwa na matao nin ispirasyon asin paglaom sa lambang makakabasa.
