LEGAZPI CITY — Rinibayan na kan dating deputy commander kan 901st Infantry Brigade Philippine Army sa Albay an commanding officer kan unit.
Segun sa tagapagtaram kan 901st IB na si 2nd Lieutenant Rachelle C. Villaluz, idinisegnar na bilang bagong commanding officer kan 901st IB si Colonel Alden Juan C. Masagca na nakabase sa Barangay Villahermosa sa banwaan kan Daraga.
Si Masagca an dating deputy commander ni Brigadier General Claudio Yucot, na nagretiro sa serbisyo kan Abril 16.
Miyembro si Masagca kan “Sinagtala” class 1986 kan Philippine Military Academy (PMA.)
