LEGAZPI CITY-Nakatakdang maglaban para sa sarong exhibition fight si Mike Tyson asin Floyd Mayweather Jr. sa Abril 25, 2026 sa Democratic Republic of Congo.
Susog sa mga report, gaganapon an laban sa Kinshasa, na bisto bilang makasaysayang “Rumble in the Jungle” kan taong 1974 kun sain naglaban si Muhammad Ali asin George Foreman para sa heavyweight championship.
Si Tyson, 59 anyos, igwang rekod na 50 gana, 7 daog, asin 2 no contests.
Huri siyang naglaban kan Nobyembre 15, 2024 laban kay Jake Paul, kun sain nadaog siya via unanimous decision sa walong round.
Mientrastanto, si Mayweather, 48 anyos, nagtetenir na undefeated sa rekord na 50-0.
Huri siyang naglaban sa exhibition match laban kay John Gotti III kan Agosto 24, 2024.
Ini na an ikawalong exhibition fight ni Mayweather poon kan magretiro siya makalihis daugon si Conor McGregor kan 2017.
