Pigbabasol kan nagkapirang mga Senador an reclamation projects sa Pilipinas kung kaya nakaka-eksperyensya ngunyan nin matinding pagbaha sa dakol na parte kan nasyun.
Segun kay Senador Juan Miguel Zubiri, huli sa reclamation sa Manila bay dae na nin maluwasan pa nin tubig sa lugar kung kaya marikas na naglalangkaw an lebel nin baha.
Ipigheras pa kan Senador an mga video kan pagbaha sa laog kan Senado kung sain inabot na nin tubig baha an elevator.
Tinuyaw man ni Senador Joel Villanueva an reclamation project na saro sa mga rason kung nata pirme ng magiging problema an mga pagbaha sa Manila.
Kwenistiyon man kaini kung hain na an P1 bilyon na pondo kada aldaw kan Department of Public Works and Highways para sa flood control.
