Nagsasairarom na sa medication an walong Pinoy seafarers na naisalbar hale sa luminubog na MV Eternity C makalihis na atakihon kan Houthi rebels sa Red Sea.
Segun kay Migrant Workers Undersecretary Bernard Olalia, na an nasabing mga seafarers an parte kan 21 crew kan MV Eternity C.
Pig-ayos na ninda an pagpapauli kan walong nakaligtas mantang igwang walong iba pa an nairehistrong nawawara.
An bulk carrier na may 21 Pinoy crew an saro sa duwang foreign-flagged vessels na inatake kan mga Houthi rebels kan Hulyo 6.
Igwa mang 17 mga Pinoy seafarers siring man an mga Vietnamese asin Romanian crew an naisalbar hale sa MV Magic Seas na inatake kan mga Houthis.
