LEGAZPI CITY- Naka-monitor ngunyan an mga lokal na opisyal kan banwaan kan Pio Duran, Albay sa mga salog sa banwaan.
Ini an kasunod kan mga pag-uran na naeksperyensyahan sa lugar.
Segun ki Pio Duran Municipal Disaster Risk Reduction and Management Office head Noel Ordoña sa intrevista kan Bombo Radyo Legazpi na komon na nagsisirbing catch basin an banwaan kan mga tubig na hali sa pagtaraning na mga municipalidad.
Katakod kaini, pigpapa alerto man an mga residente na nagtetenir sa mga low lying areas na posibleng maapektaran kan nasabing mga pag-uran.
Pinayuhan man kan opisyal an publiko na kanselaron muna an bako man importante na mga lakawon ngani na maibitaran an anuman na dae pinaglalaoman na insidente.
Mientras tanto, sa presente wara man na ipinaotob na kanselasyon nin biyahe sa pantalan kan Pio Duran na pasiring sa provincia kan Masbate.
