LEGAZPI CITY – Tinawan kan Department of Labor and Employment (DOLE) nin emergency employment an nasa 80 residentes sa piling mga banwaan sa probinsya kan Masbate.
Segun ki Labor Secretary Silvestre Bello III, an emergency assistance na ini an matao nin short-term asin immediate employment sa mga biktima kan natural na kalamidad sa laog nin 10 hasta 30 aldaw.
Sa 80 ini, 40 benpisyaryo an hale sa banwaan kan Milagros asin 40 man sa banwaan kan Batuan.
Sa irarom kan nasabing programa, an mga na-hire na worker-beneficiaries an makondusir nin community work asin magiging parte kan cleaning and rebuilding operations.
An sweldo, insurance asin protective gear man an itatao kan DOLE sa irarom kan saindang Tulong Pangkabuhayan Sa Ating Displaced at Disadvantage Workers (TUPAD) program.
