LEGAZPI CITY-Pigkakahadit kan mga residente kan Brgy. Matanag sa Legazpi City an posibleng ‘hot lahar flow’ huli sa aktibidad kang Mayon asin Bagyong Ada.
Segun kay Wilfredo Azores, residente kan nasabing barangay, intrevista kan Bombo Radyo Legazpi na kan haloy nang taon, nagdausdos an lahar sa saindang barangay kaya dai nahahale an saindang takot huli sa posibleng ‘hot lahar flow’.
Preparado man sinda kan saindang mga gamit na dadarahon sa evacuation center alagad difisil suboot ini huli sa aktibidad kan Bulkang Mayon kaya kinakaipuhan nindang magin alerto.
Dai pa man nin direktiba manungod sa saindang pagebakwar mantang nakapreparar man sinda mapadapit sa posibilidad kaini.
Mensahe niya sa kapwa residentes na kinakaipuhan an pagiingat huli sa aktibidad kan Bulkang Mayon asin sa papaabot na bagyo.
