Sarong katamtamang pagsabog an nangyari sa summit crater kan Bulkang Kanlaon kasubagong maagaon, na nagdurar nin limang minuto.
Nagkawsa ini nin mahibog na abo na nasa 4.5 kilometro an langkaw.
Nadangog man an makusog na dagundong kan pagsabog sa Barangay Pula, Canlaon City, Negros Oriental asin La Castellana, Negros Occidental mantang an pyroclastic density currents an nagbaba man sa timog na parte kan bulkan.
May mga darakulang bato man an tumilapon sa palibot kan bunganga kan bulkan asin manipis na abo an buminagsak sa nagkapirang barangay sa Negros Occidental.
Nagtetenir man an Alert Level 3 an bulkan na nangangahulugan nin peligro kan panibagong pagsabog.
