LEGAZPI CITY – Haros 30 minutos na piglalangoy kan mga residente kan Barangay Diaro, Malinao, Albay an sarong salog nganing makabalyo sana sa saindang lugar.
Segun ki Angelica Ragos, residente kan naunambitang barangay sa intrevista kan Bombo Radyo Legazpi na wara na sindang tulay na pig-aagihan makalihis na anudon kan mga nakaaging aldaw huli sa mga pagbabaha.
Gibo suboot an tulay sa cawayan, kahoy, asin mga parte kan niyog kun kaya dae kinaya kaini an makusog na pagbabaha na nangyari sa saindang lugar.
Paiba iba man an dalagan kan agos kan salog kun kaya padifisilan an pag-agi nganing makalaog sana sa eskwelahan asin trabaho.
Pagsaladawan kaini na mas lalong mapapabantol an saindang paglangoy depende na sa kusog kan agos kan tubig.
Nagbabalon na sana sinda nin sanlian nganing dae man madumog an saindang bado pangtrabaho asin pangklase.
Napaisi na man ninda sa saindang barangay an problema sa agihan huli ta pirang tulay na an ginibo asin pig-aanod sana kada mabaha.
Enkaso may nagkaigwa nin emergency, hahalaton suboot na magkalma an agos kan salog bago makaagi an sarong kaipuhan nin medikal na atensyon.
Pangapodan ni Ragos na matawan sinda nin konkretong tulay nganing dae na anudon kan baha huli ta grabe an saindang sakripisyo nganing makabalyo sana asin maipadagos an saindang pag-eskwela asin pagtrabaho.
