LEGAZPI CITY — Posibleng magbalik na sa regular na duty an mga pulis na nakabantay sa mga eskwelahang ginibong evacuation center sa ciudad kan Legazpi makalihis an ipigsugong decampment ni Mayor Noel Rosal.
Segun ki Pol. C/Insp. Arthur Gomez, tagapagtaram kan Albay Police Provincial Office, idudugang na sana an mga personahes sa ibang evacuation center na kulang sa personnel.
Maabot sa 260 na personahes an nagtatabang ngonian sa mga evacuees na kumpwesto kan nasa public assistance desk, search and rescue team, asin checkpoint team afuera pa sa mga nagpapatrolya sa mga tinampo.
Segun pa ki Gomez, nag-request na an PPO sa mga istasyon kan pulisya na bako apektado kan aktibidad kan bulkan na magtabang sa mga kabaro urog na an mga dae na nakakauli sa saindang harong.
Mientras tanto, nangapudan man an opisyal sa mga local, national asin international tourists na makipag-koordinar sa tourism office ngani maiturog kaini an mga salbadong lugar na pwedesir mahiling an Mayon.
