LEGAZPI CITY — Nagkondusir nin hiro protesta an mga progresibong grupo na hale sa manlaen-laen na provincia sa Bicol kasabay kan pagkomemorar sa deklarasyon ngkan ley martial ngonian na aldaw.
Maabot sa 1,400 an nagtiripon sa Peñaranda Park, Gov. Locsion St, Barangay Baño ciudad kan Legazpi na sarabay nagmartsa bitbit an mga placards asin effigy.
Kasabay digdi an mga grupong Karapatan Bicol, Bayan Muna, Anak Pawis, Gabriela asin Piston Bicol na lunad kan 26 na jeepney, 1 bus asin 1 truck.
Obheto kaini na ipangapudan sa gobyerno na punduhon na an pagbalgar sa direchos humanos, extrajudicial killings, pangagagadan sa mga pobre, asin an militaristang pakana suboot kan rehimeng Estados Unidos-Duterte.
Mientras tanto, maging an mga jovenes an nagbali man sa protesta kun sain an iba naghirigda pa sa tinampo sa luwas kan Camp Gen. Simeon Ola kasabay kan pagkurahaw nin pagkontra sa ley martial.
Afuera kaini, bitbit man kan mga raliyista an puting krus na gibo sa bala, posters asin placards.
Pasado alas dose kasubagong udto natapos an nasabing hiro protesta.
