LEGAZPI CITY — Pagpapadakula kan ekonomiya sa paagi kan turismo an ipigbubusol ngonian kan pamayo kan Department of Tourism Regional Office 5.
Sa intrevista ki DOT Bicol Regional Director Benjamin Santiago, simple sana an mga nakalinyada kaining programa alagad target suboot an pagpapadakol kan turista asin paglaogf kan dakol na investment.
Nagkapira sa mga tatawanan nin konsentrasyon an pagigin ‘organized destination’ kan rehiyon kun saen warang under asin overpricing, kaaraman kan mga residente bilang instant tour guides, pagdiskubre kan mga potencial ecotourism spots, pag-enhance sa mga fesival siring man an sustainable statistics gathering sa lado kan turismo.
Ipigheras man kaini an dakulang papel kan social media asin teknolohiya sa pagdiskubre sa mga magagayon na lugar sa Bicol kun saen an dating ‘sight and see’ sana para sa mga turista an naribayan na nin oportunidad na talagang mamatean an tunay na adventure sa destinasyon.
Tinawang-duon pa kaini an importansya kan turismo bilang experience kun saen nakasalalay man an positibo o negatibong impact sa bibisitahong lugar.
