Nakalaog bilang finalist kan manlain lain na kategorya kan 2026 KBP Golden Dove Awards an 11 entries kan Bombo Radyo Philippines, na gigibuhon sa aga, September 30, alas-sais nin banggi.
Kaibanan digdi an Bombo Radyo Iloilo para sa Best AM Radio Station – Provincial, Star FM Manila para sa Best FM Radio Station – Metro Manila, asin Star FM Bacolod para sa Best FM Radio Station – Provincial.
Laog man sa Best Newscast – Metro Manila an Bombo Network News, mantang maglalaban para sa Provincial category an Bombo Radyo CDO asin Bombo Radyo Iloilo.
Kaibanan man sa mga finalist an Bombo Radyo Cebu para sa Best Special Program, Bombo Radyo Koronadal para sa Best Sports Program, Star FM Baguio para sa Best Public Service Announcement, asin Bombo Radyo Roxas asin Star FM Baguio para sa Best Radio Station Promotional Material.
An pagkakapili sa 11 entries bilang finalists an pagbisto sa padagos na pagmamawot kan Bombo Radyo Philippines na mamantenir an tibay sa pagbabareta, broadcasting, asin paghahatod nin serbisyo sa publiko sa bilog na nacion.
