LEGAZPI CITY-Aktibo nagsusubaybay asin nagdadalan an mga Pilipino sa Mexico sa mga laban kan FIFA World Cup 2026.
Segun kay Philippine Embassy in Mexico First Secretary asin Consul Ralf Roldan, kadakol na mga Pilipino an maogmang nagdadalan sa mga itinalagang public viewing center, kabale an mga mga Mexican.
Paliwanag kan PH consul, an football sarong dakulang sports sa Mexico asin haros gabos na namamanwaan digdi an interesadong pag-olayan ini sa mga normal conversation.
Huli digdi, kadakol sa mga Pinoy an nae-enganyo na magpasiring sa mga viewing center.
Sa presente, nasa ‘celebratory mood’ pa an mga Mexican kasunod kan saindang trayumpo kan opisyal na pagbukas kan Mexico bilang host kan nasabing kompetisyon.
An Mexico, saro sa tulong nacion na nagseserbing host kan FIFA World Cup.
Susog pa kay Consul Rodan, nagtetenir an seguridad sa kabilugan sa nabanggit na nacion, sa tahaw kan mga serye nin hiro protesta kasabay kan hosting kan FIFA.
