LEGAZPI CITY-Makukusog na parus an nairehistro sa Shanghai, China mantang wara nin pag-uuran.
Nakapaghanda man an mga Pilipino sa China huli sa pag-abot kan Typhoon Bavi.
Segun kay Bombo International News Correspondent in China na si Concepcion Sison, sa intrevista kan Bombo Radyo Legazpi, na poon Hulyo 11 makusog an paros asin nagaayos nin gamit an iba.
Kan Hulyo 12, makukusog suboot an parus sa saindang lugar alagad warang pag-uuran.
Nagsarado man an nagkapirang tren na biyaheng probinsya, nag-suspend an simbahan, asin nagsarado an mga restaurant.
Nai-report man an pagkakaigwa nin panic buying sa mga merkado bago manalasa an bagyo.
Nagkaigwa nin pagbabaha sa ibang lugar sa China alagad wara man suboot nin napabaretang apektadong mga kababayang Pilipino.
Sa kabilugan, ligtas man an mga Pilipino sa China asin warang naapektaran Bagyong Bavi.
