LEGAZPI CITY – Matrayumpong nakaboto an mga person deprived with liberty (PDL) sa Legazpi City Jail sa paagi kan isinagibong special election.
Segun ki Acting City Jail Warden Jail Senior Inspector Joseph Mauleon sa intrevista kan Bombo Radyo Legazpi na nagpoon an preparasyon kan botohan sa laog kan City jail kasubagong alas singko nin aga.
Kinuwa suboot kan mga nagserbing special electoral board an mga balota sa 22 na barangay kan ciudad na gagamiton kan mga pdl nganing makaboto.
Matrayumpong nakaboto an 98 na mga kwalipikadong pdl sa isinagibong onsite voting asin may saro na ipigdara sa lugar kun sain ini naka rehistro nganing magboto.
Pigtaram pa kan opisyal na pagkatapos makaboto kan mga kwalipikadong botante, idedeliver an mga balota sa mga presinto kun sain sinda nakarehistro nganing ilaog an mga ini sa automated counting machine.
Nagin maugma suboot an mga pdl huli ta nakisumaro sinda sa pagpili nin mga kandidato na matukaw sa national asin local positions.
Paglilinaw niya man na limitado sana an nasabing bilang huli sa dae kaya kan saindang mga personnel na dumanon an saindang mga presinto huri sa mga distansya kaini sa city jail.
Kamawotan ni Mauleon sa mga ma-eelihir na kandidato ngonian na 2025 Midterm Election na makatabang sa Legazpi City Jail sa paagi kan pagsuporta sa saindang mga programa na nakakatabang man sa mga person deprived with liberty.
 in Legazpi City Jail successfully voted through the special election.){kind=link}