LEGAZPI CITY — Piglalaoman na ni AKO-Bicol Party-list Rep. Rodel Batocabe na aabuton nin duwang aldaw an hearing sa impeachment complaint laban kay Presidente Rodrigo Duterte.
Sa intrevista ki Batocabe, sinabi kaining apwera kaya sa gigibuhong pagrepaso, kun anu-anong isyu pa an kaklaruhon kan nagkapirang kongresista antes pa man maisagibo an magkakanigong aksyon para digdi.
Enot suboot na hihilingon an porma kan reklamo na papaboran niya man alagad pag-abot na sa laog o substance o an alegasyon, posible suboot na ibasura tulos ini huli sa kawaran nin basehan.
Mientrastanto, sinabi kan kongresista na mas kahalat-halat pa sa nakatalaang hearing an mga ‘epal’ na miyembro kan House Committee on Justice na makapot sana kan mikropono, mahampang sa camera asin saka mapasikat.
