Kumpiyansa an Department of Transportation na padagos na maruso an mga airline passenger sa ibong kan paglangkaw nin airport fee sa Ninoy Aquino International Airport.
Marurumduman na sa presente pigmamawot an pagkakaigwa nin improvement sa nasabing erpuerto.
Naglalaom an ahensya na warang magiging problema sa mga pasahero na magbayad nin mas halangkaw ngani na magkaigwa nin mas marhay na eksperyensya.
Segun ki Department of Transportation Secretary Jaime Bautista na kumpiyansa sinda na dae maapektaran kan lakdang an tourist arrival.
An passenger service charge an malangkaw sa masunod na semana kasunod kan kasuguan na ipinaluwas kan Manila International Airport Authority.
An passenger service charge an malangkaw hali sa P550 pasiring sa P990 para sa international departing passengers asin P200 pasiring sa P390 para sa domestic departing passengers.
