LEGAZPI CITY – Nanindugan an Pambansang Lakas ng Kilusang Mamamalakaya ng Pilipinas (Pamalakaya) na mapagal talagang maglawod urog na kun maraot an panahon.
Alagad pagdoon ni PAMALAKAYA Chairperson Ka Pando Hicap sa intrevista kan Bombo Radyo Legazpi na nakikipagsapalaran na sana an mga parasisira kaysa umasa sa ayuda kan gobierno na puro taram sana.
Suhestyon niya man na kun enkaso magpapa-otob ki “no fishing zone” sa panahon nin kalamidad an dapat naka-preparar man an saindang tabang asistensya sa mga naapektaran huli ta kun wara man na ipigtataong tabang an mapirit an mga ini nganing may makaon sana an saindang pamilya.
Dae dapat pagsanayon kan gobierno na matabang an mga ini kun nabiktima na an mga parasisira huli ta dae man ninda ini gigibuhon kun may pagkaon sana an mga ini sa oras nin kalamidad.
Pigtaram pa kan lider kan nanumbitang grupo na sa presente nagpapakol na sana sa walo sagkod sampulong kilo an normal na nadadakop kan mga parasisira na pwedesir umabot sa P800 pesos na sana an maiuuli huli ta babawason pa an gasolina na ginamit asin pagbabangaan pa kan mga miyembro sa bangka.
An iba suboot sa mga parasisira an napipiritan na sanang gumamit nin ilegal sa pagsisira huli sa maibsan sana an katiosan.
Mawot man nindang singilon si Presidente Ferdinand Marcos Jr. huli ta nasa ika-apat na beses na ini sa saiyang State of the Nation Address (SONA) alagad dae man kaini pig-ootob an saiyang mga promesa sa mga naenot na SONA kaini.
Pangapodan ni Hicap sa mga grupo nin parasisira, paraooma, mga obrero na makisumaro sa sainda na kalampagon an gobierno nganing madangog kan mga ini an agrangay kan mga namamanwaan asin hagadon an suporta sa mga naapektaran kan mga kalamidad.
 insists that it is really tiring to sail especially when the weather is bad.){kind=link}