Dagos man giraray an mga parasirang Pilipino sa pagdakop nin sira sa West Philippine Sea sa ibong kan humang aarestaron kan China.
Kasuodma, Hunyo 17 kan maging epektibo na an bagong ley sa China na nagsusugo na arestaron an mga bakong Chinese na malaog sa West Philippine Sea asin pwede ining ikarsel sa laog nin 60 aldaw na dae pighahampang sa korte.
Kan nakalihis man na Mayo 1 kan magpuon man an Fishing ban kan China na madurar nin hasta sa Setyembre 16.
Alagad sa ibong kaini, sinabi ni New Masinloc Fishermen Association President Leonardo Cuaresma na padagos man giraray an mga parasirang Pilipino na pagdakop nin sira sa West Philippine Sea.
Bilang pag-iingat grupo-grupo na nagbabiyahe an mga parasira asin mahigot na pig-aabisohan na tulos ng maghali en kasong ranihan man kan China Coast Guard.
Sa ngunyan wara pa man nin Pilipino an nairereport na naarestar kan China.
