LEGAZPI CITY—Pangapudan ngunyan kan mga paraooma sa Barangay Mi-isi, Daraga, Albay na matawan sinda nin dugang na kabuhayan makalihis na mapundo an saindang pagtatrabaho kawsa kan nagpapadagos na aktibidad kan bulkang Mayon.
Segun ki Mi-isi Farmers Association President Glenn Resuena, sa intrevista kan Bombo Radyo Legazpi, nasa labi sa 30 paraooma an apektado sa saindang lugar asin puon pa kan itinaas sa Alert Level 3 an bulkan kan bulan nin Enero an wara na sindang hanapbuhay.
Nakaresibe man ninda nin asistensya gikan sa gobierno siring kan cash-for-work program alagad dae suboot makasya an nareresibe nindang ganansya digdi.
Nagmamawot man si Resuena na matawan nin kadugangang na suporta siring kan negosyo na pwedesir padakulaon asin pagtarabangan kan saindang mga miyembro.
Pangapudan kaini sa gobierno na matabangan sinda huli sa afuera pa sa apektado sinda kan pag-alburoto kan bulkang Mayon, an apektado pa sinda kan krisis sa langis magin kan El Niño.
