LEGAZPI CITY—Suminakat na sa P3.7 million an naibarewas na fuel assistance kan Department of Agriculture–Bicol para sa 740 paraooma sa Iriga City.
Segun ki DA Bicol Spokesperson Lovella Guarin, sa intrevsta kan Bombo Radyo Legazpi, ini an enot na mga resipiente kan fuel assistance na P5,000 na gikan sa pondo kan taong 2025.
Nakaresibe kan asistensya an mga corn farmers na naggamit nin makinarya para sa pag-ooma asin nakarehistro sa saindang ahensya.
Dugang kan opisyal na maabot sa 1,250 na paraooma an makakaresibe kan fuel assistance sa bilog na rehiyong Bicol huli sa diit sanang paraooma an nagsumiter kan saindang ngaran durante kan pagpapalista.
Ipigdoon ni Garin an pwedesir na iribay an fuel assistance nin diesel o gasolina sana.
Mientrastanto, para man sa taong 2026 an wara pa man na pigtatao na datos kun pira an paraooma an kwalipikado asin wara pang pigbababa na pondo alagad laoman na igwang pondo para sa presenteng taon.
