LEGAZPI CITY- Nakatalaan na magtapos sa aga, Nobyembre 5 an ‘Oplan Biyaheng Ayos’ makalihis an obserbasyon kan Undas.
Ini makalihis an pagbabalikan kan mga pasahero sa saindang mga provincia.
Alagad segunki Port Management Office Bicol Media Relations Officer Achilles Galindes sa intrevista kan Bombo Radyo Legazpi na magtetenir na naka alerto an mga pantalan huli sa panibagong raot nin panahon na posibleng magdara nin huma sa nacion.
Sa presente kaya, full operational na an mga pantalan sa rehiyon alagad posibleng liwat na maapektaran kan pigbabantayan na raot nin panahon.
Sa ibong kaini inasegurar kan opisyal na magpapadagos an pagpapalakop nin impormasyon dapit sa sitwasyon kan panahon asin biyahe kan mga barko ngani na amay na maabisuhan an mga biyahero kun igwang mga kanseladong biyahe.
