LEGAZPI CITY—Nagkundusir nin sarong miting an Daraga Public Safety Office, officer-in-charge kan Daraga tourism, asin Municipal Disaster Risk Reduction Management Office mapadapit sa pagselebrar kan Cagsawa Festival sa nasambit na banwaan.
Segun ki Daraga Public Safety Office PIO Lorenzo Bañas, sa intrevista kan Bombo Radyo Legazpi, napag-oloyan ninda an duwang pinakasentro kan aktibidades kan naunambitang festival kairiba na digdi an Cagsawa concert na kun saen gigibuhon sa sentro kan Daraga sa maabot na Pebrero 8, 2025.
Panduwa sa pinakasentrong aktibidades iyo an street dance competition na gigibuhon man sa Pebrero 28, 2025.
Dugang kan opisyal na isasarado an mga nagkapirang tinampo sa banwaan sa pagkundusir kan mga nasambit na mga aktibidades.
Sa ngunyan magkakaigwa pa sinda nin pinal na miting mapadapit sa naunambitang mga plano para maasigurar na magigin magayon an kinaluwasan kan festival siring man sa magigin bulos kan trapiko sa pagkundusir kan mga aktibidades.
