LEGAZPI CITY – Piglinaw kan mga opisyales kan Barangay Dap-Dap, Legazpi City na may ordinansa para sana sa mga paratienda na nagpwepwesto sa palibot kan Sawangan Park.
Segun ki Barangay Dap-Dap Kapitan Glenn Barcelon sa intrevista kan Bombo Radyo Legazpi na igwa sinda nin na-organisar na sawangan vendors organization kun sain an mga nagtitienda sa naunambitang parke an nagmamantenir kan kapalibutan na napwepwestuhan ninda.
An Legazpi City Engineering Office an igwa man nin designadong mga bantay na nagrereparo nganing magmando kan kalinigan sa lugar.
May mga pigdedeploy man na mga street sweepers an Office of the City Environment and Natural Resources nganing dae magkalat an mga basura sa parke.
Aminado man an opisyal na dae ninda narereparo an kalinigan sa lugar urog na kun may pigsasagibo na mga dakulang aktibidad asin dakulang volume kan mga tawo na naghihiling.
Dae man suboot nagpapabaya an Gobierno Lokal nganing magsagibo nin paglinig pagkatapos kan isinagibong aktibidad.
Suhestyon niya man gibuhon na sana suboot na consolation an pagmantenir kan kalinigan sa kaugmahan na inatendiran sa parke.
Pangapodan ni Barcelon sa publiko na nagpapasyar sa sawangan park na magin responsable sa pagmantenir kan kalinigan nin huli ta inabutan ninda an lugar na malinig, dapat maghale man sindang malinig man an lugar.
