LEGAZPI CITY- Nagtiripon an grupo nin mga obrero asin nagkondusir nin mga paghiro kasabay kan obserbsyon kan Labor Day ngunyan na aldaw.
Segun ki Partido Mangagawa Deputy Secretary-General Wilson Fortaleza sa intrevista kan Bombo Radyo Legazpi na garing nagigin ugali na kan gobierno an ‘ghosting’ sa mga obrero huli sa kawaran nin aksyon sa hinaing kan mga ini.
Tinawan duon kan opisyal na haloy ng nakabinbin an pangapudan sa wage increase alagad hasta sa ngunyan an dae pigtatawan nin atensyon kan kongreso asin kan administrasyon, hasta sa inabot na kan presenteng krisis.
Kinuwestyon kan grupo an kawaran nin dayalolo o pakikipag-olay asin maski promesa hali sa gobierno.
Ini maski pa kaibanan an mga obrero sa pangenot na pigkakaltasan nin buwis.
Dagdag pa kaini na maski sa mga pigtatawan nin paramientras na ayuda an dae man nakakasabay an mayorya kan mga obrero.
