LEGAZPI CITY-Nagsibagsakan an mga nitso sa Campo Santo Cemetery sa Barangay Mayao sa Oas, Albay huli suboot sa pagkababad kaini sa tubig asin dekada na an hinaloy poon kan itinugdok.
Segun kay Punong Barangay Gogo Relao, intrevista kan Bombo Radyo Legazpi na basado sa saindang obserbasyon, dekada na an mga nitso asin babad sa tubig dara kan panahon kaya dai nakayanan an gabat kan mga nasa irarom na lumang nitso.
Mauran man suboot kan nangyari an pagbagsak kaini asin pigbeberipika pa kun pirang nitso an nagsitumbahan.
Pinagbabawal man sa ngonian an paglaog sa lugar huli sa padagos na inspeksyon kan mga otoridad sa sitwasyon.
Mahigot man na pigpapagirumduman an mga mainspeksyon na magsulot nin facemask huli sa posibleng epekto kaini sa salud.
Mientrastanto, wara man nin nabagsakan kan nitso kan matumba an mga ini asin sa ngonian sinarado muna an nasabing lugar.
Padagos man an paglipat kan mga nitso asin pighahanapan na nin lokasyon mga nagbibisitang kapamilya.
Abiso man sa mga nagdadalaw sa nasabing kamposanto na mahigot na pinagbabawal muna an paglaog sa mismong lugar.
