LEGAZPI CITY-Narekober an mga ilegal na armas asin bala kan mga otoridad sa banwaan kan Monreal sa Masbate.
Segun ki Monreal Municipal Police Station Chief of Police Police Captain Joseph Almencion, sa intrevista kan Bombo Radyo Legazpi na narekober an mga firearms na nakalubong sa Sitio Hacienda Barangay Rizal Monreal, Masbate.
Nasamsam sa lugar an sarong unit kan carbine rifle, sarong unit kan LUGER KG9 with inserted magazine asin eight live ammunition, sarong .38 revolver, apat na pidasong magazine na may M16 rifles, 414 pieces nin live ammunition, duwang pidaso kan shotgun ammunition asin sarong flashlight.
Sa presente, na-turn over na an mga nabanggit na gamit sa Masbate Police Provincial Office.
Mientrastanto, sinabi kan opisyal na wara na sindang sightings nin mga terorista sa saindang lugar.
Pangapudan ni Almencion sa mga rebeldeng aktibo pa na welcome sindang tanggapon enkaso man na igwang plano sindang sumuko ngani matapos na an mga kariribukan asin igwang mga programa an gobierno para ikakarahay kan saindang mga buhay.
