LEGAZPI CITY- Nagtetenir na dakulang angat sa Bucol region an orolay sa mental health.
Segun sa Mental Health Advocate asin Co-founder kan Bantay Kabataan Kausap Program Mental Health Advocacy na si Anthony Sambajon sa intrevista kan Bombo Radyo Legazpi, dakol pa an numero kan mga jovenes asin magin mga adults na nagsasapar nin mental health problems.
Aminado an opisyal na dakol pa an nasusupog na mag open-up huli ta dakol an dae pa nakakasabot dapit sa mental na salud mantang an iba an nagduduwa-duwang isip na magpatabang huli ta dae suboot kaya an pagpapabulong.
Napag-araman na naglaag man nin mental health hub an grupo ngani na matabangan an mas dakol na mga namamanwaan.
Afuera digdi, igwa man na 24/7 kausap hotline kun sain dakol suboot an mga nagpapaabot nin mga mensahe.
Sa presente, snabi ni Sambajon na kadaklan sa mga nakakaolay kan saindang grupo an mga namamanwaan na nasa edad 40s asin 50s asin komon sa nagdadara nin axiety asin depresyon sa mga ini an pagtios asin problema sa pamilya.
Huli digdi, inasegurar kan opisyal na nagsasairarom man an saindang mga personahe sa serye nin mga trainings asin counselling ngani na mas magin epektibo an pagtabang ninda sa mga pasyente na nagrarani sainda.
