LEGAZPI CITY- Uminabot pa sa 37.43% an mga estudyante na nag-aprobitsar sa early registration sa provincia kan Albay.
Segun ki Albay Schools Division Office Spokesperson Froilan Tena sa intrevista kan Bombo Radyo Legazpi na pinaglalaoman na malangkaw pa an nasabing numero sa masunod na mga aldaw.
Pinagbabasehan ngunyan na datos an nasa 43, 595 na mga estudyante sa provincia kan Albay kan nakalihis na School Year.
Paliwanag kan opisyal na importante an amay na pagpapa rehistro ngani na mahiling kun pira an pondo an dapat na itatagama para sa mga estudyante sa provincia.
Kun igwa kaya nin estimated na numero kan mga estudyante sa paagi kan early registration, dakulang tabang ini para sa paghahanda kan mga classrooms, mga tukawan, learning materials asin iba pa.
Katakod kaini, inenganyar ni Tena an mga magurang na tulos na magpasiring sa mga eskwelahan ngani na maiparehistro an saindang mga kaakian na malaog sa kidergarten, Grade 7, asin senior high school.
