LEGAZPI CITY- Tinawan duon kan barangay kapitan kan Brgy 28 Victory Village, syudad kan Legazpi na dae nin mareresibeng tabang an duwang lalaking nadakop sa tupada sa nasambitan na lugar kasuudma.
Sinabi ni Victory Village Barangay Captain Antonio Lobireza na pirang beses na nindang pigpapagirumduman an mga residentes na bawal an nasambitan na sugal.
Magigirumduman na kasuudma, naaktuhan kan mga pulis sinda Raul Candelario asin Andres Chavez na pigbubulang an saindang mga manok katakod kan mga tayang kwarta.
Sigon ki Lobireza, bako man ini regular na pigigibo kan mga suspek alagad sienerto kaini na dae sinda nin gigibuhan ngani na magtabang sa kaso.
Haloy na suboot nyang pinatanidan an mga ini na pwedesir sindang makulong alagad matagas an mga payo.
Sa ibong na lado, ipighayag man kan kapitan na pighahalat ninda ngunyan an asistensya gikan sa lokal na gobyerno kan Legazpi ngani na makapuon nang magtugdok nin panibagong harong an 92 na biktima kan kasulo.
Pighahalat man suboot ninda an pinal na resulta kan imbestigasyon kan Bureau of Fire Protection (BFP) ngani na maaraman kun dapat sindang magsangat nin reklamo kontra sa Albay Power and Energy Corporation (APEC.)
Payo man ni Lobireza sa saiyang mga constituentes na kusugan sana an boot asin magsarig sa Kagurangnan huli ta makakapuon man sana giraray sinda.
