LEGAZPI CITY – Luminobo na sa kabilugan na 723 an mga naarestar sa nagpapadagos na anti-illegal gambling operations kan mga kapulisan sa bilog na rehiyon.
Ini an huli sa labi sa 200 na nagpositibong operasyon na saindang ipigsagibo puon kan ilansar an kampanya kontra iligal na pagsusugal na saro sa mga pigtatawan atensyon ngunyan kan kapulisan.
Katakod kaini, nagsakat na man sa P123,370 an nakumpisakar na kwarta.
An probinsya kan Albay an igwang naaretsar na 150 persona na nadakop na iligal na nagsusugal sa laog kan 40 operasyon na ipiglansar kan Albay Police Provincial Office.
Sa presente nagpapadagos na an ipihkokundusir na operasyon kan mga kapulisan ngani na dagos nang mapuho an iligal na nagsusugal sa bilog na nasyon.
