LEGAZPI CITY- Mabalik na sa saindang mga barracks an mga militar ngani na ipagpadagos an nasuspinder na operasyon ninda kontra sa New People’s Army (NPA).
Tinawan duon ni Brig General Claudio Yucot, commanding officer kan 901st Infantry Batallion, na bako na makusog na maray ngunyan an NPA alagad kaipuhan man giraray na bantayan huli sa mga perwisyong pigkakawsa kan mga ini sa mga establisimiento asin sibilyan.
Alagad sinabi ni Yucot na dae man sindang nairehistrong bayolenteng aktibidad sa mga ini.
Mapadagos na ngunyan an general offensive operations kan Armed Forces of the Philippines (AFP) asin Philippine Army kontra sa nasambitan na bandido katakod kan pagkanselar ni Presidente Rodrigo Duterte sa unilateral ceasefire na enot nang binawi kan NPA.
