LEGAZPI CITY- Ipiglatag ni Agriculture Secretary William Dar an mga plano kan ahensya bilang tabang sa mga paraoma na apektado kan pagbaba kan presyo kan paroy kasunod kan pagpapaotob kan Rice Tarrification Law.
Sa sarong press briefing, ipighayag ni Dar na nakipagkoordinar na an ahensya sa mga kooperatiba ngani na magbakal nin paroy bilang tabang sa mga lokal na paraoma na apwera pa sa National Food Authority (NFA).
Napag-araman na nasa 26 na manlain-lain na kooperatiba an regular ng nagbabakal nin mga produktong paroy sa mga paraoma na hale sa ibang mga provincia.
Apwera digdi, target man kan DA na magpatugdok nin mga dryer asin warehouse na magagamit kan mga paraoma sa saindang paroy alagad naghahanap pa nin pondo para digdi.
Magigirumduman na magpuon kan ipaotob an Rice Tarrification law na nagtutugot sa unlimited na pag-import nin bagas hale sa ibang nasyun, nagbaba na an presyo kan kada kilo kan paroy nin hasta sa P9.
