LEGAZPI CITY- Nagtatao nin oportunidad para sa mga tawong may maraot na intensyon an mga mag-ilosyun na nagdi-date sa madiklom na parte kan Puro o Legazpi Boulevard.

Ini an pahayag kan mismong Barangay Kapitan kan lugar na si Nicacio Barrios.

Sigon sa opisyal, mahiwason asin maliwanagon an nasambitan na pasyaran kun sain pwedesir na kutang makalikay sa ano man na insidente.

Katakod ini kan nangyaring hold-up sa barangay kun sain nabadil an 18-anyos na babayi na kaibanan an saiyang piday.

Sa ibong na lado, pig-iimbitaran ni Barrios an saiyang mga constituentes na mag-atindir sa isasagibong Barangay Assembly sa Marso 25 para sa Sitio San Isidro asin Marso 26 para sa sentro.

Siring man, an pagpaparehistro sa Commission on Elections (COMELEC) para sa regular asin SK voters.