LEGAZPI CITY – Piglalaoman na kan Daraga Public Safety Office na dadagsaon an mga pampublikong pasyaran asin tiendahan kan mga burak sa banwaan sa aldaw kan valentines day.
Segun ki Daraga PSO spokesperson Lorenzo Bañas sa intrevista kan Bombo Radyo Legazpi na base sa saindang paglibot libot poon ngonian an nahiling ninda na bako pa dakula an volume kan mga nagbabarakal nin mga burak sa banwaan.
Nagtetenir na nasa 25% an numero kan mga parabakal kan mga burak asin piglalaoman ninda na poon saaga an maruso na an mga konsumidores.
May mga nakamonitor na man na mga personahe kan saindang ofisina nganing mamantenir an pazy orden sa banwaan sa pagselebrar kan aldaw nin mga puso.
Pigtaram pa kan opisyal na pigbugtak na man an mga paratienda ki mga burak sa sarong pwesto nganing ma-organized an mga ini asin dae magbalagaw bagaw sa banwaan.
Sa hiling kaini na nagdiit an numero kan mga nagbabarakal nin burak nin huli ta nagharalangkawan man an mga presyo kaini ngonian na bulan.
Dakol na man suboot an nagruruso na mga foreign asin local tourist sa cagsawa ruins sa bisperas pa sana kan valentines day.
Abiso kaini sa mga maselebrar ki aldaw nin mga puso ngonian sa banwaan na syertuhon na pirming may mga kaibahan nganing malikayan an mga insidente nin mga pagkawara asin dae magpara-solo sa mga lugar na dae ninda aram.
