LEGAZPI CITY — Ipinagsugo na kan Municipal Disaster Risk Reduction and Management Office (MDRRMO) kan Sto. Domingo, Albay an pagi-inspeksyon sa nagkapirang beach resorts tangarig na maasegurar na nagsusunod an mga ini sa pagprotehir sa kapalibutan.
Sa intrevista kan Bombo Radyo Legazpi ki MDRRMO head Engr. Ed Balidoy, parte suboot an nasabing lakdang kan preparasyon para sa papaabot na summer vacation.
Nakatalaan man na magpaapod nin meeting an opisyal sa mga resort owners antes an Holy Week tangarig na maasegurar na handa na an ipapaotob na mga precautionary measures sa mga propriedades.
Kumpiyansa man an nasabing opisyal na aram asin kontrolado kan kada manehamiento an mga pagsadiri tangarig na dae suboot magkaigwa nin problema siring kan nangyari sa isla kan Boracay.
Naglalaom man an opisyal na ‘equipped’ an mga miembro kan rescue team kan kaaraman sa water rescue tangarig na tulos na maka-aprobitsar sa mga dae piglalaomang remalaso.
