LEGAZPI CITY-Nadagdagan an mga listahan kan accredited hospital asin clinic sa Bicol Region susog sa PhilHealth Bicol.
Segun ki Philhealth Regional Office V Public Affairs Unit Head Leri Ilagan, intrevista kan Bombo Radyo Legazpi na nagpaluwa nin mga listahan kan yakap clinic sa kada provincia kun sain nasa 186 yakap provider asin 41 an nasa Albay sa bilog na rehiyon.
Nahihiling suboot kaini an partnership sa mga local chief executives asin local government ngani maparani an serbisyo asin dai na madiretso sa ospital para saindang mga salud.
Afuera digdi, pig-aasikaso man kan ahensya an accreditation kan yakap dental services sa mga pasilidad, asin accreditation kan mga botika para sa mga bulong ngani mapamarhay an saindang mga miembro.
Sa bilog na probinsya, nasa 12 na an mga accredited dental facilites kabale an Sorsogon, Albay, asin Camarines Sur.
Piglalaoman man na madugangan pa an mga accredited yakap clinic bago matapos an taon
