LEGAZPI CITY-Pinahale an mga pulis na nasa grounds kan Luneta Park kun saan ipigsasagibo an enot na aldaw kan INC rally.
Ipinaabot kan mga miyembro kan INC na mawot nindang magin matoninong an pagsasagibo kan rally asin nangangapudan sinda sa gobierno na dai magkawsa nin kariribukan an kapulisan huli sa igwa sindang permit.
Tulos man na pigsugo ni National Capital Region Police Office (NCRPO) Major General Anthony Aberin sa gabos na kapulisa na magluwas asin magtenir sa luwas kan perimeter sa laog nin 10 minutos ngani masierto an kaayusan asin kaligtasan kan mga nagsasagibo nin rally.
Basado man sa inisyal na crowd estimate kan Manila Police District na nagrapado sa 30,000 an pigkakarkulong numero kan mga tawong dagsa Quirino Grandstand para sa pagorganisa kan rally na inorganisa kan mga miyembro kan INC.
