LEGAZPI CITY—Padagos an monitoring kan mga kapulisan sa mga munisipalidad sa isla provincia kan Catanduanes makalihis an mga nairehistrong pagbaha sa nagkapirang lugar huli sa epekto kan shearline.
Segun ki Catanduanes Police Provincial Office Public Information Officer Police Major Emsol Icawat, sa intrevista kan Bombo Radyo Legazpi, nakikipagkoordinar an saindang mga municipal police stations sa mga Municipal Disaster Risk Reduction and Management Office asin mga barangay sa provincia.
En kaso man na may mairehistrong mga insidente siring kan landslide an sainda man na pig-aabisuhan an publiko na dae na magpadagos sa saindang dudumanan kun sinda mabiyahe.
Dugang kan opisyal na wara man sindang nairehistrong nairido o anuman na untoward incidents durante kan mga namatean nindang mga pag-uuran asin pagbaha.
Mientrastanto, pig-abisuhan man ni Icawat an namamanwaan na maging maingat asin preparado sa anumang oras nganing maibitaran an anumang dae piglalaomang insidente.
