Nag-rally an mga kajovenesan kan Peru para sa saro pang round nin mga protesta laban kay Presidente Dina Boluarte, sarong semana makalihis an mga demonstrasyon sa saindang kapitolyo, na nagresulta sa pakikipagsagupaan sa kapulisan, asin nagwalat nin labi sa sarong dosenang indibidwal na nairido.
Nagpuon an mga protesta kan Setyembre 20 kasunod kan mga reporma sa sistema kan pensyon sa nacion na nangangaipuhan kan gabos nin mga Peruvian na 18-anyos pataas na mag-bale sa sarong pension provider, kun saen nagresulta pa ini sa pagkakadagit kan mga kajovenesan kontra ki Boluarte asin sa Kongreso.
An protesta an pinasiklab pa kan iskandalo sa katiwalian, economic insecurity, naghahalangkaw na krimen asin dagit huli sa kawaran nin paninimbagan sa dose-dosenang mga nagpoprotesta na ginadan kan mga security forces kan si Boluarte magtukaw sa kapangyarihan kan 2022 makalihis na matanggal an dating Presidente na si Pedro Castillo sa saiyang pwesto asin inarestar.
