LEGAZPI CITY-Pig-aagrangay ngonian kan mga flag man asin Kagawad na nagmamando sa road reblocking sa Barangay Bigaa, Legazpi City an suboot pambabastos kan nagkapirang motorista.
Pag-istorya ni Committee on Peace and Order Chair Kagawad Mark Anthony Fernandez sa intrevista kan Bombo Radyo Legazpi na minsan nang ginapo nin mineral water an saindang flagman.
Sa ngonian, kahagadan ninda an pag-respeto sa mga flag man asin tanod an nagmamando sa trapiko sa nabanggit na lugar.
Mientrastanto, an road reblocking sa lugar, nagpoon pa kan huring semana kan Hulyo asin natapos an primerong section kan ikaduwang semana kan Oktubre.
Nag-request suboot an barangay na gibuhon ining two-way durante kan holiday season, alagad na-delay ini asin nagin magabat man liwat an trapiko.
Sa presente, pigbubusol ninda na mabuksan liwat ini enkaso dai matapos an paghirahay para sa maabot na semana santa.
