LEGAZPI CITY – Makakaresibi nin Educational Assistance an mga nagkapirang estudyante sa provincia kan Albay.
Segun kay Albay Acting Governor Glenda Bongao sa intrevista kan Bombo Radyo Legazpi na inisyatibo ini kan saindang Provincial Education Department (PED).
Nasa P2,000 an mareresibe kan mga estudyanteng kwalipikado na makakatabang sa pang gastos kan mga ini sa saindang pag-aadal.
Obheto kan programa na magtaong suporta sa mga estudyante partikular na sa mga college students nganing matabangan sinda dawa purupapano sa gastusan sa pag-eskwela.
Sa presente, nagpapadagos an payout sa mga banwaan kan Albay arog kan Manito, Libon, asin iba pang lugar sa provincia.
Pigtaram kan opisyal na parte ini kan dedikasyon kan gobierno provincial na tabangan an mga estudyante na magpadagos sa saindang pag eskwela.
