LEGAZPI CITY—Pigsaysay kan sarong political analyst na mantang may ebidensya na nin salang paggamit kan confidential funds si Vice Presidente Sara Duterte alagad bako pa ini bastante nganing ma-impeach an opisyal.
Segun ki Prof. Amr Solon Sison, sa intrevista kan Bombo Radyo Legazpi, na amay pa nganing masabi kun ma-impeach si VP Sara basado sa idiniskotir na mga articles sa trial kan nakalihis na aldaw.
Alagad sa ibong na banda, digdi mahihiling kun sain pasiring an impeachment articles na pigtutukar sa presente kan impeachment court.
Posible na saro ining ‘introductory process’ kun sain mabukas pa ini para sa mas dakulang maibubuyagyag kun sain an ibang ebidensya na pwedesir ikonektar sa paggamit kan confidential funds kan bise presidente. Siring kan nagmamanehar pa ini kan Department of Education asin kan Office of the Vice President.
Mientrastanto, mensahe man ni Sison sa publiko na magin vigilant, imantinir an siring na lebel nin focus sa mga impormasyon asin magkua kaini sa mga credible sources, o kaya an mas maray na direktang magdalan kan nagpapadagos na pagliltis kan impeachment trial kan bise president.
