LEGAZPI CITY – Nakahanda na an mga delegado nganing sumabak sa manlain-laing sporting events sa pagpopoon kan Palarong Panlalawigan 2026.
Segun ki PioDuran National High School Athletics Secondary Boys Assistant Coach Joven Vargas sa intrevista kan Bombo Radyo Legazpi na nagin kadifisilan ninda sa preparasyon an mga mauuran na mga aldaw na nakaka-apekto sa training kan mga atleta.
Alagad nalagpasan suboot ninda ini sa paagi kan mahigot na monitoring sa mga atleta nganing maguno ngunyan an bulawang medalya.
Nagmamawot man siya na magin matrayumpo ngonian an Palarong Panlalawigan asin magin salbado sa mga dae piglalaomang insidente.
Pagdoon pa ni Vargas na kaipuhan kan mga atleta an saindang presensya asin suporta nganing maipahiling kan mga ini an saindang tibay sa larangan kan sports asin mapili bilang delegado para sa Palarong Bicol ngonian na taon.
