LEGAZPI CITY—Maayos na nakaabot an mga delegado kan rehiyon nin Bicol sa ipigkukundusir na Palarong Pambansa 2026 sa Agusan del Sur.
Segun ki Department of Education Legazpi Division Information Officer Santi Araña, sa intrevista kan Bombo Radyo Legazpi, nasa maray na kamugtakan an mga delegado na presenteng nagtitinir sa Agusan Elementary School.
Nagin maray suboot an nagin biyahe kan mga atleta gikan sa Bicol International Airport pasiring sa Butuan Airport asin wara man na naeksperyensyang problema o aberya pag-abot sa nasambitang provincia.
Dugang kan opisyal na magayon an lugar kun sain itinalaga an mga ini, huli sa naobserbaran niya na igwang centralized aircon an mga classroom kun sain sinda matenir.
Afuera digdi, magayon man an seguridad sa mga delegado huli sa may mga mga kapulisan na naka-duty na magdamlag sa lugar.
Mientrastanto, pig-imbitaran man ni Araña an publiko na maghiling kan mga kawat kan mga atleta sa paagi kan livestreaming sa mga social media sites katakod kan Palarong Pambansa 2026
